«Բարսելոնայի» կենտրոնական պաշտպան Պաու Կուբարսին գլխավորում է «Golden Boy» մրցանակի հավակնորդների ցուցակը, որը ամեն տարի շնորհվում է եվրոպական ֆուտբոլի լավագույն երիտասարդ խաղացողին։
18-ամյա իսպանացին ներկայիս վարկանիշային աղյուսակում երկրորդն է՝ թիմակից Լամին Յամալից հետո, սակայն աստղային հարձակվողը չի կարող ստանալ մրցանակը, քանի որ հաղթել է անցյալ տարի։
Հաջորդը ցուցակում ՊՍԺ-ի խաղացող Դեսիրե Դուեն է, որին հաջորդում են «Արսենալի» խաղացող Մայլս Լյուիս-Սկելին, ՊՍԺ-ի խաղացող Վարեն Զաիր-Էմերին և «Ռեալի» նորեկ Դին Հոյսենը։
Հատկանշական է, որ վերջին չորս տարիներից երեքում մրցանակը բաժին է հասել «Բարսելոնայի» ներկայացուցիչներին։ Ինչպես արդեն նշվեց, Պեդրին հաղթել է 2021 թվականին, Գավինը՝ 2022 թվականին, իսկ Յամալը՝ 2024 թվականին։ Բացառություն էր Ջուդ Բելինգհեմն, որը հաղթեց մրցանակը 2023 թվականին։
