«Բետիսի» գլխավոր մարզիչ Մանուել Պելեգրինին մեկնաբանել է Կոնֆերենցիաների լիգայի եզրափակչում «Չելսիից» կրած պարտությունը (1-4):
«Մենք լավ անցկացրեցինք առաջին խաղակեսը, խփեցինք գոլ, ստեղծեցինք մի շարք գոլային պահեր, բայց երկրորդ խաղակեսում վնասվածքներն իրենց ներդրումն ունեցան: Մենք այլևս չէինք կարողանում ճնշում գործադրել «Չելսիի» վրա, ինչպես նախկինում, և մեր մրցակիցները սկսեցին լրջորեն անհանգստացնել մեզ»,- Պելեգրինիի խոսքերն է մեջբերում ՈՒԵՖԱ-ի մամուլի ծառայությունը:
Նա նաև հավելել է, որ իսպանական ակումբի համար Եվրոպայի որևէ մրցաշարի եզրափակիչ հասնելը կարելի է հաջողություն համարել:
«Կարո՞ղ ենք հաջորդ տարի հասնել Եվրոպա լիգայի եզրափակիչ: «Բետիսի» համար ԵԼ-ի ուղեգիր նվաճելը և եզրափակիչ հասնելն արդեն հաջողություն է: Այս պահին մենք նույնիսկ չենք կարող մտածել Եվրոպա լիգայի եզրափակչի մասին: Մենք լավ մրցաշրջան անցկացրինք, բայց, ցավոք, չհաղթեցինք Կոնֆերենցիայի լիգան:
Վաղը կսկսենք մտածել հաջորդ մրցաշրջանին նախապատրաստվելու մասին: Այն մրցաշրջանը, որի ընթացքում մենք որակավորվեցինք եվրագավաթ և հասանք եզրափակիչ, ես այն համարում եմ առաջընթաց: Վստահ եմ, որ երկրպագուները կհամաձայնվեն ինձ հետ», — հավելել է Պելեգրինին:
