Երևանի «Փյունիկ» ֆուտբոլային ակումբը հայտարարում է, որ կիսապաշտպան Արթուր Գրիգորյանի հետ պայմանագիրը խզվել է կողմերի փոխադարձ համաձայնությամբ։
32-ամյա փորձառու կիսապաշտպանը 2024/25 մրցաշրջանի ընթացքում «Փյունիկի» կազմում անցկացրել է 7 հանդիպում։ Գրիգորյանը միացել էր երևանյան ակումբին անցած ամառ։
Ակումբը շնորհակալություն է հայտնում Արթուր Գրիգորյանին համագործակցության համար և հաջողություն մաղթում նրա հետագա մարզական կարիերայում։
