«Յուվենտուսը» երկարաձգել է պայմանագիրը հարձակվող Արկադիուշ Միլիկի հետ, հաղորդում է ակումբի մամուլի ծառայությունը։
31-ամյա խաղացողի հետ նոր պայմանագիրը նախատեսված է մինչև 2027 թվականի հունիսի 30-ը։ Նախորդ պայմանագիրը լրանում էր 2026 թվականի ամռանը։
Լեհ ֆուտբոլիստը 2024/25 մրցաշրջանում ոչ մի խաղ չի խաղացել անցյալ տարվա հունիսին Լեհաստանի հավաքականի կազմում կայացած խաղում ստացած ծնկի վնասվածքի պատճառով։
Արդյունքում ֆուտբոլիստը ենթարկվեց երկու վիրահատության, իսկ մարտ ամսին նրա մոտ զարգացան մկանային խնդիրներ, որոնք կապ չունեին նախորդ վնասվածքի հետ։
