Լիոնել Մեսսին դժվար թե հանդիպի «Բարսելոնային» հունիսին մեկնարկող Աշխարհի ակումբային առաջնությունում։
Ինչպես հայտնում է MARCA-ն, ՖԻՖԱ-ն հրավեր չի ուղարկել կատալոնական ակումբին՝ չնայած մրցաշարի տեղերից մեկն ազատած մեքսիկացի «Լեոնի» հեռացմանը։
«Լեոնը» հեռացվել էր մրցաշարից, քանի որ ակումբը նույն սեփականատերեր ունի «Պաչուկայի» հետ, ով նույնպես իրավունք է ստացել մասնակցելու եզրափակիչ փուլին:
Մեքսիկացիների բողոքը ընդունվել է Մարզական արբիտրաժային դատարանի կողմից, իսկ նիստը նշանակված է մայիսի 6-ին։
Մինչ Լեոն պայքարում է իր վերադարձի համար, ՖԻՖԱ-ն արդեն որոշել է, որ նրա թափուր տեղը կվիճարկվի «Ամերիկայի» և «ՖԱ Լոս Անջելեսի» միջև՝ մեկ հանդիպումից բաղկացած փլեյ-օֆֆում: Խաղի ստույգ ամսաթիվը դեռ հայտնի չէ։
