Այսօր Վազգեն Սարգսյանի անվան «Հանրապետական» մարզադաշտում անցկացվում է Հայաստանի Ֆուտբոլի ֆեդերացիայի նախագահ Արմեն Մելիքբեկյանի մամուլի ասուլիսը։
«Վերջին շրջանում մենք տեսնում ենք, որ հրապարակվում են տարբեր նյութեր, որոնք բացարձակապես կապ չունեն ՀՖՖ-ի և իմ գործունեության հետ։ Կարող ենք այստեղ նաև որակումներ տալ, որ դրանք կրում են պատվիրված և խառնակչական բնույթ։ Մեզ պարզ է, և շատերին, որ կան մարդիկ, որոնց համար երազանք է հայտնվել ՀՖՖ-ի նախագահի աթոռին և իրենց նապատակին հասնելու համար իրենք չեն խորշում ամենաստոր մեթոդներից։ Օգտագործվում է բավականին մեծ մեդիառեսուրս, ֆինանսական միջոցներ, որոնք ուղակիրորեն ազդում են ոչ թե մարդկանց վրա, ովքեր ֆուտբոլային են և տեղյակ են խնդիրներից, այլ խմբերի վրա, թյուրըմբռնում են առաջացնում ընդհանուր առմամբ։
Այդ իսկ պատճառով ես ցանկանում եմ համառոտ նկարագրել վերջին 5 տարվա գործունեությունը։ Կան մարդիկ, որոնք պարբերաբար լսում են, ուշադիրեն են, գիտեն ներքին խոհանոցը, բայց կան մարդիկ, որոնք պարտավոր չեն խորանալ այդ ամենի մեջ։
Վերջին՝ ՈՒԵՖԱ-ի գործկոմի ընտրությունների հետ կապված անցուդարձն էլ ավելի ամրապնդեց մեր վստահությունը, որ ՀՖՖ-ի դեմ հստակ ծրագրված արշավ է ընթանում։ Իսկ շատ դեպքերում մեղադրանքներն ու ասեկոսեները կապ չունեն իրականության հետ։
Քննադատություն կա և բավական չափով, կառուցողական քննադատություն ևս կա։ Սակայն, օրինակ, մեր անդամների գերակշիռ մասը, երբ ցանկանում են ինչ-որ հարցեր քննարկել, գալիս են ՀՖՖ գրասենյակ, կազմակերպում ենք քննարկումներ, հնարավորության դեպքում հարցերը լուծում են ստանում, եթե չեն ստանում, նախանշվում են ճանապարհները, որոնք կարող են բերել հարցերի լուծմանը։ Կարծում եմ՝ հենց դա է համատեղ աշխատանքը՝ ի շահ հայկական ֆուտբոլի»,- ասել է ՀՖՖ նախագահը մամուլի ասուլիսի ժամանակ։
