Սաուդյան Արաբիայի առաջնության ակումբները հետաքրքրություն են ցուցաբերում «Մանչեսթեր Սիթիի» կիսապաշտպան Կևին Դե Բրույնեի նկատմամբ, հաղորդում է Give Me Sport-ը։
Աղբյուրի համաձայն՝ ֆուտբոլիստով հետաքրքրված են «Ալ-Կադիսիան» և «Նեոմը»:
Նա առաջարկներ է ստացել նաև Եվրոպայից։ Ամերիկյան «Սան Դիեգոն» այլևս չի մտածում բելգիացու հետ պայմանագիր կնքելու մասին, սակայն ամերիկյան այլ ակումբներ շարունակում են հետաքրքրվել Դե Բրույնեով:
Նշվում է, որ ինքը՝ բելգիացին, նախընտրում է տեղափոխվել հենց MLS։
Դե Բրույնեն երեկ հայտարարել էր, որ մրցաշրջանի ավարտից հետո կլքի «Մանչեսթեր Սիթին»։
