Նախորդ տարի Վոյցեխ Շչեսնին լուծարեց պայմանագիրը «Յուվենտուսի» հետ և հայտարարեց կարիերան ավարտելու մասին։ Սակայն «Բարսելոնան», կորցնելով Մարկ-Անդրե տեր Շտեգենին, համոզեց լեհ դարպասապահին վերադառնալ պրոֆեսիոնալ ֆուտբոլ։
Այս որոշումը հաջողված էր ինչպես ակումբի, այնպես էլ Շչեսնու համար․ այժմ «կապտանռնագույնների» դարպասը դժվար է պատկերացնել առանց նրա։
Լեհ դարպասապահը հայտնի է նաև իր հումորով։ Վերջերս լրագրողի հարցին, թե որն է նրա լավ մարզավիճակի գաղտնիքը, Շչեսնին կատակել է․
«Շնորհակալ եմ, որ ասացիք՝ թարմ եմ թվում… Պարզապես տեղում եմ կանգնած։ Եթե վազեի, երևի այդքան լավը չթվայի», – ծիծաղելով պատասխանել է նա։
