«Բարսելոնայի» արգենտինացի նախկին հարձակող Խավիեր Սավիոլան բացատրել է, թե ինչու է ժամանակին որոշել կատալոնական ակումբից տեղափոխվել Մադրիդի «Ռեալ»։
«Երբ «Բարսայի» հետ պայմանագիրս ավարտվեց, ստեղծվեց հնարավորություն պայմանագիր կնքել «Ռեալի» հետ՝ համաշխարհային մակարդակի մեկ այլ հսկայի հետ։ Ես երկար չմտածեցի։
Ցանկանում էի, որ կարիերաս շարունակի զարգանալ, շարունակել խաղալ կարևոր ակումբներում, ինչը ցանկանում է յուրաքանչյուր ֆուտբոլիստ։
Լավագույն բանը, որ կարող է պատահել քեզ հետ Եվրոպայում, մեծ թիմերում կայուն ելույթ ունենալն է։
Երբ Մադրիդը հետաքրքրություն դրսևորեց, ես չկարողացա դիմադրել նրանց պատմության մի մասը լինելու հնարավորությանը։ Այդ իսկ պատճառով մենք արագ սկսեցինք տրանսֆերի շուրջ բանակցությունները»,- ասել է Խավիեր Սավիոլան։
Հիշեցնենք, որ արգենտինացի հարձակվողը Մադրիդի «Ռեալի» հետ պայմանագիր է կնքել 2007 թվականին։
