«Բարսելոնայի» կիսապաշտպան Պեդրին պատասխանել է Իսպանիայի գավաթի խաղարկութան եզրափակչի շրջանակներում կայանալիք Էլ Կլասիկոյի մասին հարցին։
«Եվս մեկ հաղթանակ «Ռեալի» նկատմա՞մբ։ Հուսով եմ, որ այդպես կլինի։ Ակնհայտ է, որ մենք դա ենք ուզում, բայց նաև հասկանում ենք, որ հեշտ չի լինելու։ «Ռեալը» հիանալի խաղացողներ ունի, մենք պետք է չեզոքացնենք նրանց»,- Պեդրիի խոսքերն է մեջբերում Barca Universal-ը։
Հիշեցնենք, որ գավաթային Էլ Կլասիկոն կկայանա ապրիլի 26-ին, Երևանի ժամանակով 22:00-ին։
