Առաջիկա՝ 2026 թվականի Աշխարհի առաջնությանը կմասնակցի 48 հավաքական։ Արդեն հայտնի է մրցաշարի մասնակից 4 հավաքական։
ԱՄՆ-ի, Կանադայի և Մեքսիկայի հավաքականները որպես մրցաշարն ընդունող երկրներ ավտոմատ կերպով կմասնակցեն ԱԱ-ին։ Առաջինն ընտրական մրցաշարում ուղեգիրն օրերս նվաճեց Ճապոնիայի հավաքականը՝ ասիական գոտում։
Ընդհանուր առմամբ, ուղեգրերն ըստ կոնֆեդերացիաների բաժանվել են հետևյալ քվոտայով․
Եվրոպա — 16 ուղեգիր
Աֆրիկա — 9+1
Ասիա — 8+1
Հս․ Ամերիկա — 3+2
Հրվ․ Ամերիկա — 6+1
Օվկիանիա — 1+1 ուղեգիր, որի համար մարտի 24-ին կհանդիպեն Նոր Զելանդիայի ու Նոր Կալեդոնիայի հավաքականներ
Ասիայի 9-րդ թիմը, Աֆրիկայի 10-րդ թիմը, Հյուսիսային Ամերիկայի 4-րդ ու 5-րդ թիմերը, Հարավային Ամերիկայի 7-րդ թիմը և Օվկիանիայի երկրորդ թիմը (Նոր Զելանդիան կամ Նոր Կալեդոնիան) վերջին երկու ուղեգրերը կխաղարկեն Միջմայրցամաքային փլեյ-օֆֆում։
Եվրոպա․ որակավորման փուլ
Նախորդ տարվա դեկտեմբերի 13-ին Ցյուրիխում կայացավ 2026 թվականի աշխարհի առաջնության եվրոպական գոտու ընտրական մրցաշարի վիճակահանությունը։ Վիճակահանության արդյունքներով կազմվեցին 12 խմբեր։
Հայաստանի ազգային հավաքականը ընդգրկված է F խմբում։
ԱԱ-2026-ի Եվրոպայի որակավորման վիճակահանության արդյունքները․
A խումբ
Հաղթող՝ Գերմանիա/Իտալիա, Սլովակիա, Հյուսիսային Իռալնդիա, Լյուքսեմբուրգ
B խումբ
Շվեյցարիա, Շվեդիա, Սլովենիա, Կոսովո
C խումբ
Պարտվող՝ Պորտուգալիա/Դանիա. Հունաստան, Շոտլանդիա, Բելառուս
D խումբ
Հաղթող՝ Ֆրանսիա/Խորվաթիա, Ուկրաինա, Իսլանդիա, Ադրբեջան
E Խումբ
Հաղթող՝ Իսպանիա/Նիդերլանդներ, Թուրքիա, Վրաստան, Բուլղարիա
F խումբ
Հաղթող՝ Պորտուգալիա/Դանիա, Հունգարիա, Իռլանդիա, Հայաստան
G խումբ
Պարտվող՝ Իսպանիա/Նիդերլանդներ, Լեհաստան, Ֆինլանդիա, Լիտվա, Մալթա
H խումբ
Ավստրիա, Ռումինիա, Բոսնիա և Հերցեգովինա, Կիպրոս, Սան-Մարինո
I խումբ
Պարտվող՝ Գերմանիա/Իտալիա, Նորվեգիա, Իսրայել, Էստոնիա, Մոլդովա
J խումբ
Բելգիա, Ուելս, Հյուսիսային Մակեդոնիա, Ղազախստան, Անդորրա
K խումբ
Անգլիա, Սերբիա, Ալբանիա, Լատվիա, Լիխտեյնշտեյն
L խումբ
Պարտվող՝ Ֆրանսիա/Խորվաթիա, Չեխիա, Չեռնորգորիա, Ֆարերյան կղզիներ, Ջիբլարթար
Որակավորման փուլի մասնակիցները կբաժանվեն չորս կամ հինգ թիմերից բաղկացած 12 խմբերի, որոնք միմյանց կհանդիպեն տանը և դրսում: Հինգ թիմերից բաղկացած խմբերի հանդիպումները կսկսվեն մարտին, իսկ չորս թիմերից բաղկացած խմբերը՝ սեպտեմբերին: Խմբային փուլը կավարտվի 2025 թվականի նոյեմբերին։
Խմբի 12 հաղթողները անմիջապես դուրս կգան ԱԱ-ի եզրափակիչ փուլ, իսկ մնացած չորս տեղերը կխաղարկվեն փլեյ-օֆֆում, որին կմասնակցեն երկրորդ տեղը զբաղեցրած 12 թիմերը:
Ինչպես կանցկացվի փլեյ-օֆֆը:
Փլեյ-օֆֆ դուրս կգան իրենց խմբերում երկրորդ տեղը զբաղեցրած 12 թիմերը, ինչպես նաև ՈՒԵՖԱ-ի Ազգերի լիգայի 2024/25 մրցաշրջանի լավագույն թիմերը, որոնք հաղթել են իրենց խմբերը (որոնք չեն զբաղեցրել առաջին կամ երկրորդ տեղը Եվրոպայի որակավորման փուլի խմբային փուլում):
Այս 16 թիմերը կբաժանվեն չորս ուղիների՝ յուրաքանչյուրում չորս թիմ: Փլեյ-օֆֆը բաղկացած կլինի մեկ հանդիպումից բաղկացած կիսաեզրափակիչներից և եզրափակիչներից, որոնք տեղի կունենան մեկ միջազգային պատուհանի ընթացքում՝ 2026 թվականի մարտին:
Աշխարհի 2026 թվականի առաջնության ընտրական մրցաշարի ամսաթվերը․
Խմբային փուլ
Մարտ — նոյեմբեր 2025թ
Փլեյ-օֆֆ
26-31 մարտի, 2026 թ
ԱԱ-2026
Հունիսի 11 — հուլիսի 19, 2026 թ
ԱԱ-2026-ի մասին
Մրցաշարի խմբային փուլը բաղկացած կլինի 72 հանդիպումից. թիմերը կբաժանվեն 12 խմբերի՝ յուրաքանչյուրը չորս թիմով, քառյակներից դուրս կգան երկուական թիմ, որոնք կզբաղեցնեն առաջին և երկրորդ տեղերը։ 1/16-ում այդ թիմերին կմիանան ութ լավագույն թիմերը, որոնք կզբաղեցնեն երրորդ տեղն իրենց խմբում։
Ընդհանուր առմամբ մրցաշարը բաղկացած կլինի 104 հանդիպումից (փլեյ-օֆֆի հանդիպումները ներառյալ)։ Նախկինում Աշխարհի առաջնությանը մասնակցել է 32 թիմ, մրցաշարը բաղկացած է եղել 64 հանդիպումից։
Մրցաշարը կտևի 56 օր։ Եզրափակիչ հանդիպումը նշանակված է 2026 թվականի հուլիսի 19-ին։ Աշխարհի 2026 թվականի առաջնությունն առաջին անգամ կանցկացվի երեք երկրներում՝ Կանադայում, ԱՄՆ-ում և Մեքսիկայում։
