Ռեյնդերսը կարիերան շարունակելու նոր տարբերակ ունի

«Միլանի» կիսապաշտպան Տիջանի Ռեյնդերսը կարող է իտալական Ա Սերիան փոխել Անգլիայի Պրեմիեր լիգայի հետ։

Այս մասին հայտնում է Teamtalk-ը։

Աղբյուրի տեղեկություններով՝ կիսապաշտպանի ծառայություններով հետաքրքրված է «Մանչեսթեր Սիթին»։

Անգլիական թոփ-ակումբի ղեկավարությունը նախատեսում է ամառային տրանսֆերային պատուհանի ժամանակ ձևակերպել տրանսֆերը։ «Քաղաքաբնակները» պատրաստ են 60 միլիոն եվրո ծախսել Ռեյնդերսի տրանսֆերը գնելու համար։

Ֆուտբոլիստի գործող պայմանագրի ժամկետն ավարտվում է 2030 թվականին։