Իսպանիայի հավաքականի նախկին կիսապաշտպան Չավին խոսել է Եվրոպայի երկու առաջնություններում ու աշխարհի առաջնությունում թիմի հաղթանակների նշանակության մասին:
«Նախկինում աշխարհի առաջնությունում իսպանացի խաղացողի հաղթանակն ուտոպիա էր: Դա պատիվ էր տրված իտալացիներին, գերմանացիներին, բրազիլացիներին, արգենտինացիներին։
2008-2012 սերնդի գալով մենք փոխեցինք այս մտածելակերպը։ Քառորդ եզրափակիչ դուրս գալն արդեն իսկ ձեռքբերում էր։
Այսօր, եթե չհաղթենք, ապա դա ձախողված կհամարվի: Մենք փոխեցինք իսպանական ֆուտբոլի պատմությունը: Այս թիմը հավերժ կհիշվի»,- Չավիի խոսքերն է մեջբերում AS-ը։
Հիշեցնենք, որ 2008-2012 թվականներին Իսպանիայի հավաքականը հաղթել է բոլոր երեք խոշոր մրցաշարերում անընդմեջ։ Նախ Վիսենտե դել Բոսկեի թիմը հաղթել է Եվրո-2008-ում, հետո դարձել է 2010 թվականի աշխարհի առաջնության հաղթող, որից հետո հաղթել է Եվրո-2012-ում։
