«Միլանի», «Ռեալի», «Ռոմայի», «Յուվենտուսի», ինչպես նաև Անգլիայի ու Ռուսաստանի ազգային հավաքականների նախկին մարզիչ Ֆաբիո Կապելոն ասել է, որ «Մանչեսթեր Սիթիի» գլխավոր մարզիչ Խոսեպ Գվարդիոլան ֆուտբոլը ձանձրալի է դարձրել:
-Նա հսկայական վնաս հասցրեց ֆուտբոլին, թեև դա իր մեղքը չէր:
-Ինչո՞ւ:
-Որովհետև բոլորը [մարզիչները] 10 տարի ծախսեցին նրան կրկնօրինակելու համար: Իտալական ֆուտբոլը սրանով խորտակվեց ու կորցրեց իր բնույթը։ Ես ասացի. «Վե՛րջ, դուք չունեք այնպիսի խաղացողներ, ինչպես՝ ունի Գվարդիոլան»։ Բացի այդ, անհեթեթ միտք էր պարտադրվում, որ լավ խաղը միայն այսպես կարող է լինել:
Հպում գնդակին, նորից ու նորից… Հիմա իտալական ֆուտբոլում դարպասապահները խաղարկում են գնդակը: Դա աղետ է և, բացի այդ, ձանձրույթը, որը շատերին շեղել է ֆուտբոլից, այժմ նրանք պարզապես պետք է դիտեն կարևոր իրադարձությունները:
Ինչու՞ դիտել 90 րոպե փոխանցումներ և հորիզոնական փոխանցումներ՝ առանց որևէ պայքարի կամ վազքի: Բարեբախտաբար, ֆուտբոլը փոխվում է։ Առաջին հերթին ֆուտբոլը փոխեց Իսպանիան՝ երկու եզրայիններով ու արագ խաղով հաղթելով Եվրոպայի առաջնությունում»,- Կապելոյի խոսքերն է մեջբերում El Mundo-ն։
Անցկացրած 28 հանդիպումներից հետո «Մանչեսթեր Սիթին» Պրեմիեր լիգայի մրցաշարային աղյուսակի չորրորդ տեղում է՝ 47 միավորով։ Հաջորդ տուրում Խոսեպ Գվարդիոլայի թիմը կխաղա «Բրայթոնի» հետ։ «Լիվերպուլը» 70 միավորով գլխավորում է Անգլիայի Պրեմիեր լիգայի 2024/2025 թթ.
