Իսպանացի հարձակվող Ալվարո Մորատան նշել է 2024/2025 մրցաշրջանի միջնամասում իտալական «Միլանից» թուրքական «Գալաթասարայ» իր ձմեռային տեղափոխության պատճառը։
«Սկզբում ես ցանկանում էի խաղալ «Միլանում» բացառապես Պաուլո Ֆոնսեկայի ղեկավարությամբ: Նրա պաշտոնանկությամբ ամեն ինչ կորցրեց իր նշանակությունը։ Ես այլևս ինձ հարմարավետ չէի զգում ակումբում»,- Մորատայի խոսքերն է մեջբերում Marca-ն։
Հիշեցնենք, որ Մորատան թուրքական ակումբի հետ վարձակալության պայմանագիր է կնքել մինչև 2026 թվականի հունվարի 20-ը։ Պայմանագիրը ներառում է վարձակալության ժամկետը մինչև 2026 թվականի ավարտը երկարաձգելու տարբերակ, ինչպես նաև Ստամբուլի ակումբներից մեկի՝ նրա պայմանագրի գնման հնարավորությունը, եթե նրանք դա ցանկանան:
Այս մրցաշրջանում հարձակվողը «Միլանի» կազմում անցկացրել է 25 հանդիպում բոլոր մրցաշարերում՝ դառնալով 6 գոլի և երկու գոլային փոխանցման հեղինակ։ «Գալաթասարայի» կազմում իսպանացին չորս խաղում երկու գոլ է խփել։ Ֆուտբոլիստի գործող պայմանագիրը «Միլանի» հետ, ուր նա տեղափոխվել է անցյալ ամառ «Ատլետիկոյից», նախատեսված է մինչև 2028 թվականի ամառը։ Transfermarkt-ի տեղեկություններով՝ 32-ամյա ֆուտբոլիստի շուկայական արժեքը կազմում է 13 միլիոն եվրո:
