«Բայերի» գլխավոր մարզիչ Խաբի Ալոնսոն «Բավարիայի» դեմ խաղերում եզակի նվաճման է հասել։ Բունդեսլիգայի 2024/2025 մրցաշրջանի 22-րդ տուրում «Բայերն» այսօր ոչ-ոքի 0:0 հաշվով է ավարտել հանդիպումը մյունխենյան ակումբի հետ:
Իսպանացի մարզիչը բոլոր մրցաշարերում չի պարտվել «Բավարիայի» դեմ իր վեց պաշտոնական հանդիպումներից և ոչ մեկում։ Խաբի Ալոնսոն մյունխենյան ակումբի դեմ խաղերում երեք հաղթանակ է տարել և գրանցել երեք ոչ-ոքի: Նա Բունդեսլիգայի առաջին մասնագետն է, որը գրանցել է այս ցուցանիշը։
Բունդեսլիգայի 2024/2025 մրցաշրջանի մրցաշարային աղյուսակը գլխավորում է Մյունխենի «Բավարիան», որը 22 խաղից հետո ունի 55 միավոր։ «Բայերը» նույնքան խաղերից հետո 47 միավորով երկրորդ տեղում է։ Հաջորդ տուրում «Բավարիան» կխաղա Ֆրանկֆուրտի «Այնտրախտի» (փետրվարի 23), իսկ «Բայերը»՝ «Հոլշտեյնի» հետ (փետրվարի 22):
