Մադրիդի «Ռեալի» գլխավոր մարզիչ Կառլո Անչելոտին կարող է փոխել ակումբը ազգային թիմով. մասնագետի ծառայություններով հետաքրքրված է Բրազիլիայի ֆուտբոլի ֆեդերացիան, հայտնում է OK Diario-ն։
Հաղորդվում է, որ այս երկրի ներկայացուցիչները կապվել են իտալացու հետ և առաջարկել նրան գլխավորել Բրազիլիայի հավաքականը և աշխատել մինչև 2026 թվականին կայանալիք աշխարհի առաջնության ավարտը։ Ֆուտբոլի ֆեդերացիայի նախագահը չի պատրաստվում ճնշում գործադրել Անչելոտիի վրա. գլխավոր մարզիչը կկարողանա որոշում կայացնել մինչև այս տարվա մայիս։
Բրազիլիայում կարծում են, որ Կառլոն կհեռանա «Ռեալից» իսպանական ակումբի բարձր ճնշման պատճառով։ Իտալացի մասնագետը դեռ չի կողմնորոշվել իր ապագայի հարցում. շատ բան կախված կլինի ընթացիկ մրցաշրջանում «սերուցքայինների» արդյունքներից:
Մադրիդի «Ռեալն» ունի 50 միավոր և գլխավորում է Իսպանիայի առաջնության մրցաշարային աղյուսակը, սակայն մոտակա մրցակցից տարբերությունն ընդամենը մեկ միավոր է։
