Բրազիլիայի հավաքականի լեգենդար ֆուտբոլիստ Ռոմարիոն նոր հարաբերություններ է սկսել. լուրերը նրան կապում են 29-ամյա ուսանողուհի Ալիսիա Գոմեսի հետ, հայտնում է The Sun-ը։
Աղբյուրի համաձայն՝ զույգը ծանոթացել է անցյալ տարի՝ Բրազիլիայում մունիցիպալ ընտրությունների ժամանակ։ Նրանք առաջին անգամ հանրության առաջ միասին հայտնվեցին 2024 թվականի հոկտեմբերին, երբ գնացին տեսնելու Մրայա Քերիի ելույթը Rock in Rio գիշերային ակումբում։
Դրանից երկու օր անց Ալիսիան նույնպես ներկա է եղել Ռոմարիոյի ծննդյան խնջույքին իր մյուս 800 հյուրերի թվում։
Նշենք, որ սա առաջին դեպքը չէ, երբ 59-ամյա բրազիլացին հանդիպում է իրենից բավականին երիտասարդ աղջիկների հետ։ 2024 թվականի նա հանդիպում էր 34-ամյա մոդել Մարիա Գուսիան Սանտոսի հետ, իսկ մինչ այդ նա 7 ամսով հանդիպել է իրենից 25 տարով փոքր Մարսել Սեոլինի հետ։
Հիշեցնենք, որ Ռոմարիոն մի քանի անգամ ամուսնացած է եղել և ունի վեց երեխա, այդ թվում՝ ապօրինի որդի։
Ռոմարիոն Բրազիլիայի հավաքականի լեգենդն է, որի հետ հաղթել է 1994 թվականին ԱՄՆ-ում կայացած աշխարհի առաջնությունում։ Նա նաև 1994 թվականին հաղթել է Իսպանիայի առաջնությունը «Բարսելոնայի» հետ և նույն թվականին կատալոնացիների հետ հասել է Չեմպիոնների լիգայի եզրափակիչ։
