«Բարսելոնայի» նախագահ Ժոան Լապորտան խոսել է թիմի իսպանացի կիսապաշտպան Գավիի վիճակի մասին, որը գլխի վնասվածք էր ստացել Իսպանիայի առաջնության 22-րդ տուրի՝ «Ալավեսի» դեմ խաղում (1:0)։
«Հարվածը շատ ուժեղ է եղել, նա ինձ ասաց, որ ցանկանում է շարունակել խաղալ։ Գավին այժմ հիվանդանոցում է և լավ է, ինչպես Կոնեչնին: Տեղի ունեցածը սարսափելի էր, բայց երկրպագուները չպետք է անհանգստանան»,- Լապորտայի խոսքերն է մեջբերում ակումբի մամուլի ծառայությունը։
Հաղորդվում է, որ Գավիի մոտ ախտորոշվել է գլխուղեղի տրավմատիկ վնասվածք։
