«Մանչեսթեր Յունայթեդի» բրազիլացի վինգեր Անտոնին շուտով կմեկնի իսպանական Սևիլիա որպեսզի ավարտի իր տեղափոխությունը «Ռեալ Բետիս» վարձակալական հիմունքներով: Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Ըստ աղբյուրի՝ կողմերը պայմանավորվել են բոլոր պայմանների շուրջ և ստուգել փաստաթղթերը։ Վարձակալությունը կգործի մինչև 2025 թվականի հունիսը և չի ներառի գնման տարբերակ: Անտոնիի աշխատավարձը բաժանվում է ակումբների միջև։
Այս մրցաշրջանում Անտոնին բոլոր մրցաշարերում անցկացրել է 13 հանդիպում՝ դառնալով մեկ գոլի հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառ: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 20 միլիոն եվրո:
