«Բարսելոնայի» կիսապաշտպան Գավին Լա Լիգայի 20-րդ տուրի արտագնա հանդիպման ժամանակ (1:1) կոնֆլիկտ է ունեցել «Խետաֆեի» կիսապաշտպան Յելլո Սանտյագոյի հետ, հայտնում է Marca-ն։
Սանտյագոն խաղադաշտ է մտել 49-րդ րոպեին, իսկ հինգ րոպե անց դեղին քարտ է ստացել մրցավարի հետ վիճաբանության համար։
Դա տեղի է ունեցել այն բանից հետո, երբ Գավին դիմել է կիսապաշտպանին հետևյալ խոսքերով. «Ո՞վ ես դու, ո՞վ ես դու: Դու սարսափելի ես, ուշքի արի»,- խաղացողի խոսքերն է մեջբերում աղբյուրը։
66-րդ րոպեին Սանտյագոն լքել է խաղադաշտը։
Իսպանիայի առաջնության 20 խաղից հետո «Բարսելոնան» ունի 39 միավոր և երրորդ տեղում է։ «Խետաֆեն» վաստակել է 20 միավոր և 16-րդ տեղում է։
