Ֆուտզալի Հայաստանի Բարձրագույն խմբի խաղարկությունում տեղի է ունեցել 10-րդ մրցափուլը։ Առաջնության առաջատար «Յունիսպորտը» մրցել է «Թիմ Ագրոյի» հետ և 16:2 հաշվով ջախջախիչ հաղթանակ է տարել: Սա «Յունիսպորտի» 10-րդ անընդմեջ հաղթանակն էր առաջնությունում:
Հաղթող թիմի կազմում 4 գոլ է հեղինակել թիմի առաջատարներից Գոռ Սարգսյանը, դուբլի հեղինակներ են դարձել Մամիկոն Դերմենջյանը, Տիգրան Վարդանյանը, Սարգիս Մարգարյանը, Միխաիլ Պոտապովը և Էրիկ Հովսեփյանը, մեկական անգամ էլ աչքի են ընկել Դավիթ Խաչատրյանն ու Համլետ Մանուկյանը: Վերջինս իր գոլերի թիվը հասցրել է 19-ի և շարունակում է գլխավորել առաջնության լավագույն ռմբարկուների ցուցակը:
Հանդիպման ֆոտոշարքը՝
Այս հաղթանակից հետո «Յունիսպորտը» իր միավորների թիվը հասցրել է 30-ի և միանձնյա գլխավորում է մրցաշարային աղյուսակը: Երկրորդ տեղում գտնվում է գործող չեմպիոն «Երևանը», որը մեկ խաղ պակաս է անցկացրել և ունի 24 միավոր: 10-րդ տուրում «Երևանը» 8:1 հաշվով առավելության է հասել «Արաքս ՖԱՖ» թիմի նկատմամբ:
Տուրի մյուս խաղերում «Աթլետիկ Երևանը» 3:2 հաշվով հաղթել է «Լոգիկոնին», իսկ «Սիեվնը» ոչ-ոքի՝ 2:2 հաշվով է ավարտել հանդիպումը «Էկովիլի» հետ:
