UFC-ի խառը մենամարտերի թեթև քաշային կարգի (70 կգ) դասակարգման առաջին համար, Հայաստանը ներկայացնող Արման Ծառուկյանը չի կասկածում իր հաղթանակի հարցում նույն քաշային կարքի գործող չեմպիոն Իսլամ Մախաչևի դեմ առաջիկա մենամարտում։
«Սա լավագույն մենամարտն է, որ կարող եմ անցկացնել: Ինչպես ասում են՝ մեկ գնդակով երկու նապաստակ: Որովհետև դա լինելու է և՛ ռևանշ, և՛ տիտղոսային պայքար: Այնպես որ այս շաբաթավերջին խաղադրույք կատարեք ինձ վրա, ես ձեզ հուսախաբ չեմ անի»,- CBS Sports-ին տված հարցազրույցում ասել է Ծառուկյանը։
Նշենք, որ Ծառուկյանի և Մախաչևի միջև ռևանշ-մենամարտը տեղի կունենա 2025 թվականի հունվարի 18-ին լույս 19-ի գիշերը UFC 311 մրցաշարում։ Մարզիկների միջև առաջին մենամարտն ավարտվել է Մախաչևի հաղթանակով։ Մենամարտը տեղի է ունեցել 2019 թվականի ապրիլին Սանկտ Պետերբուրգում։
