Ձմեռային դադարից հետո վերսկսվել է Ֆուտզալի Հայաստանի Բարձրագույն խմբի խաղարկությունը։ Տեղի է ունեցել 9-րդ մրցափուլի երեք հանդիպում, «Էկովիլ» — «Երևան» հանդիպումը հետաձգվել է:
Տուրի կենտրոնական խաղում «Յունիսպորտը» 10:1 հաշվով առավելության է հասել «Լոգիկոնի» նկատմամբ:
Հանդիպման հաշիվը խաղի 5-րդ րոպեին բացել է Միխաիլ Պոտապովը ՝ հեռահար հարվածով եզրափակելով իր թիմի հերթական գրոհը: «Յունիսպորտի» առավելությունը կրկնապատկել է Մամիկոն Դերմենջյանը: Ավելի ուշ հեթ-տրիկ է ձևակերպել Համլետ Մանուկյանը, որն արդեն 18 գոլով գլխավորում է առաջնության ռմբարկուների ցանկը: «Յունիսպորտի» կազմում դուբլի հեղինակ է դարձել Միխաիլ Պոտապովը: Մեկական անգամ էլ աչքի են ընկել Սարգիս Մարգարյանը, Տիգրան Վարդանյանը, Արսեն Ստեփանովը և Գոռ Սարգսյանը:
«Լոգիկոնի» կազմում մեկ գնդակ ետ է բերել թիմի լավագույն ռմբարկու Համլետ Մուրադյանը:
Հանդիպման ֆոտոշարքը՝ ստորև.
1.
2.
3.
4.
5.
6.
7.
8.
9.
10.
11.
12.
13.
14.
15.
16.
17.
18.
19.
20.
21.
22.
23.
24.
25.
26.
27.
28.
29.
30.
31.
32.
Այս հաղթանակից հետո «Յունիսպորտը», որն առաջնության 9 խաղերում արդեն 9 հաղթանակ է տարել, 27 միավորով շարունակում է գլխավորել մրցաշարային աղյուսակը:
Առաջնության լավագույն ռմբարկուների ցանկը գլխավորում է «Յունիսպորտի» խաղացող Համլետ Մանուկյանը:
