2024 թվականին մարզական լրատվամիջոցների առաջին էջերին շարունակում էին երևալ ֆուտբոլային լեգենդներ Լիոնել Մեսսին և Կրիշտիանու Ռոնալդուն։ Թեև նրանց մոլեգին մրցակցությունը ֆուտբոլի աշխարհի թագի համար արդեն անցյալում է, նրանք դեռ մնում են աշխարհի ամենահայտնի ֆուտբոլիստները։
Մեսսիի և Ռոնալդուի ցուցանիշները 2024 թվականին
2024 թվականին Մեսսին անցկացրել է 25 հանդիպում «Ինտեր Մայամիի» կազմում՝ խփելով 23 գոլ և կատարելով 13 գոլային փոխանցում։ Ռոնալդուն, իր հերթին, «Ալ-Նասրի» կազմում 39 խաղում խփել է 36 գոլ և կատարել 5 գոլային փոխանցում։
Կրիշտիանուն ավելի շատ ժամանակ է անցկացրել դաշտում՝ 4441 րոպե, համեմատած Մեսսիի՝ 2895 րոպեի։ Սակայն մեկ գոլի համար Ռոնալդուից պահանջվել է 103.3 րոպե, մինչդեռ Մեսսիին՝ ընդամենը 99.8 րոպե։
Մեսսին դարձել է 2 հեթ-տրիկի հեղինակ, մինչդեռ Ռոնալդուն՝ 3։ Բացի այդ, Մեսսին իրացրել է բոլոր 11-մետրանոցները (100% ճշգրտություն), մինչդեռ Ռոնալդուն իրացրել է դրանց 81.8%-ը։
Խաղերի վիճակագրություն մրցաշարերով
Ազգային առաջնություններ
- Մեսսի: 19 խաղ, 20 գոլ, 10 գոլային փոխանցում
- Ռոնալդու: 25 խաղ, 25 գոլ, 4 գոլային փոխանցում
Ներքին գավաթային մրցաշարեր
- Մեսսի: չի մասնակցել
- Ռոնալդու: 3 խաղ, 2 գոլ
Միջազգային ակումբային մրցաշարեր
- Մեսսի: 3 խաղ, 2 գոլ, 2 գոլային փոխանցում
- Ռոնալդու: 8 խաղ, 7 գոլ
Ընդհանուր վիճակագրություն (ակումբ + հավաքական)
- Մեսսի: 36 խաղ, 2895 րոպե, 29 գոլ, 18 գոլային փոխանցում
- Ռոնալդու: 51 խաղ, 4441 րոպե, 43 գոլ, 7 գոլային փոխանցում
2024-ը ևս մեկ անգամ հաստատեց, որ թե՛ Մեսսին, թե՛ Ռոնալդուն շարունակում են մնալ ֆուտբոլային գերաստղեր՝ ամենաբարձր մակարդակի ցուցանիշներով։
