«Մանչեսթեր Յունայթեդի» պաշտպան Լիսանդրո Մարտինեսը խոսել է «կարմիր սատանաների» վերջին արդյունքների մասին և նշել, որ մանկունիանցիների ակումբը հիանալի է։
«Մենք գիտենք, թե որքան մեծ է այս ակումբը, ինչ պահանջներ կան այստեղ։ Ցավոք, մենք լավագույն մարզավիճակում չենք արդյունքների առումով, բայց կարծում եմ, որ մենք հիանալի բան ենք ստեղծում, և ժամանակի ընթացքում դուք կտեսնեք, թե ինչի ենք մենք ընդունակ»,- Մարտինեսի խոսքերն է մեջբերում BolaVip-ը։
Պրեմիեր լիգայի 17 հանդիպումից հետո «Մանչեսթեր Յունայթեդն» ունի 22 միավոր։ Այսպիսով, Ամորիմի թիմն Անգլիայի Պրեմիեր լիգայի մրցաշարային աղյուսակի 13-րդ տեղում է։ Մարտինեսը «կարմիր սատանաների» կազմում հանդես է գալիս 2022 թվականից։ Նախկինում արգենտինացին հանդես է եկել Ամստերդամի «Այաքսում»:
