«Ռոման» հայտարարել է թիմի գլխավոր մարզչի պաշտոնում Կլաուդիո Ռանիերիի նշանակման մասին, որը նա կզբաղեցնի մինչև այս մրցաշրջանի ավարտը։ Այս մասին հայտնում է հռոմեական ակումբի պաշտոնական կայքը։
Հաղորդվում է, որ մրցաշրջանի ավարտից հետո 73-ամյա մասնագետը կզբաղեցնի ղեկավար պաշտոն։ «Ռոմայի» ապագա մարզչի որոնումները կշարունակվեն առաջիկա ամիսներին։ Ռանիերին «Գայլերի» ղեկավարությանը կօգնի նաև մասնագետի ընտրության հարցում, ով ապագայում կգլխավորի թիմը։
Հիշեցնենք, որ նախորդ մրցաշրջանի վերջում Ռանիերին հայտարարեց մարզչական կարիերան ավարտելու մասին։
Ռանիերին աշխատել է «Ռոմայի» գլխավոր մարզիչ 2009-ից 2011 թվականներին և 2019 թվականի մարտից հունիս ամիսներին: Իտալացի մասնագետի վերջին աշխատավայրը «Կալյարին» էր, որը նա գլխավորել է 2023 թվականի հունվարին։
