«Յուվենտուսը» վերջնական որոշում է կայացրել թիմի կիսապաշտպան Պոլ Պոգբայի ապագայի վերաբերյալ, հայտնում է La Gazzetta dello Sport-ը։
Աղբյուրի համաձայն՝ թուրինյան ակումբում որոշել են բաժանվել 31-ամյա ֆրանսիացուց։ Նշվում է, որ ակումբից պաշտոնական հաղորդագրություն կարելի է սպասել մինչև նոյեմբերյան միջազգային հանդիպումների դադարի ավարտը։ Պայմանագրի խզումը, ըստ աղբյուրի, անխուսափելի է։
Հիշեցնենք, որ ավելի վաղ հայտնի էր դարձել, որ Պոգբայի որակազրկումը, որը նա ստացել էր 2023 թվականի սեպտեմբերին, չորսից կրճատվել է մեկուկես տարվա, ինչը ֆրանսիացուն հնարավորություն է տալիս վերադառնալ ֆուտբոլ 2025 թվականի մարտին։
