Մարդիկ կարծում են, թե մեծ գումարները հաղթահարում են խնդիրները, բայց Էրիկն ամբողջովին կործանված է․ Տեն Հագի նախկին թիմակից

Էրիկ տեն Հագի նախկին թիմակից Հանս Կրայը պատմել է, թե ինչպես է նիդերլանդցի մասնագետը արձագանքել «Մանչեսթեր Յունայթեդից» հեռացման մասին լուրերին։

«Ես հասկանում եմ, որ նա մեծ գումարներ էր վաստակում, և մարդիկ կարծում են, որ դա օգնում է հաղթահարել խնդիրները։ Բայց ոչ, նա ամբողջությամբ, լրիվ հյուծված է, ամբողջովին կործանված։ Այդ պահերին դու փողի մասին չես մտածում։ Դա հետո կգա։ Ես նույնպես չեմ զգում, որ պետք է նրան վաղը զանգեմ ու հարցնեմ․ «Դեռ կարողանո՞ւմ ես ծայրից ծայր հասցնել, դեռ կարողանո՞ւմ ես մթերք գնել»։ Իհարկե ոչ, ես դա չեմ անի, բայց հիմա Էրիկը խնդիրներ ունի, դա հստակ է», — փոխանցում է Կրայի խոսքերը Mirror-ը։

Էրիկ տեն Հագը հեռացվեց «Մանչեսթեր Յունայթեդից» անգլիական Պրեմիեր լիգայի 9-րդ տուրի «Վեսթ Հեմի» դեմ խաղում կրած պարտությունից հետո։