«Նապոլիի» հարձակվող Ռոմելու Լուկակուն բացատրել է, թե ինչու է դադար վերցրել հավաքականում իր ելույթներից, ինչպես նաև վերհիշել է, թե 2022 թվականի աշխարհի առաջնությունում Բելգիայի՝ խմբից դուրս չգալուց հետո որքան է վշտացել:
«Հուսով եմ, որ կկարողանամ վերագտնել ազգային հավաքականում խաղալու իմ կիրքը: Հաջորդ քայլը երկու տարի անց կայանալիք աշխարհի առաջնությունն է, որն այժմ այնքան հեռու է թվում:
Ես իսկապես ցանկանում եմ լավ զգալով վերադառնալ թիմ և ստանձնել առաջատարի դերը, բայց դուք չեք կարող ակնկալել, որ ես երջանիկ կլինեմ, եթե մենք չհաղթենք: Դա միակ բանն է, որ պակասում է խաղացողների այս երիտասարդ խմբին: Նրանք երկար ճանապարհ են անցել, բայց դեռ կարող են շատ ավելին անել հաղթողի մտածելակերպի առումով: Սա այն է, ինչ ես կարող եմ սովորեցնել նրանց:
2022 թվականի աշխարհի առաջնության խմբից դուրս չգալը 29 տարվա մեջ առաջին դեպքն էր, երբ ֆուտբոլը հուզեց ինձ։ Ես երբեք չեմ մտածել դեպրեսիայի մասին, բայց շաբաթներով ամեն օր լաց էի լինում, նույնիսկ արձակուրդում: Անրին օրական երեք անգամ զանգում էր ինձ։ Մայրս ու երեխաներս Միլանում էին, բայց ես ուժ չունեի։ Ինձ անհրաժեշտ էր մի որոշ ժամանակ մենակ մնալ»,- Լուկակուի խոսքերն է մեջբերում Sky Sport Italia-ն:
