Ռուսաստանի առաջնության 9-րդ տուրի խաղում «Լոկոմոտիվը» հյուրընկալվելիս հաղթեց «Նիժնի Նովգորոդին»։ Հանդիպումն ավարտվեց «Լոկոմոտիվի» հաղթանակով՝ 3-1 հաշվով։ «Երկաթուղայինների» կազմում հանդիպմանը մասնակցեցին Հայաստանի հավաքականի ֆուտբոլիստներ Էդգար Սևիկյանն ու Նաիր Թիկնիզյանը՝ դուրս գալով փոխարինման երկրորդ խաղակեսում (46-րդ ու 58-րդ րոպեներին)։ Սևիկյանն այս խաղում դարձավ նաև գոլային փոխանցման հեղինակ։ Սեպտեմբերի 28-ին «Լոկոմոտիվը» տանը կխաղա «Սպարտակի» հետ։