ԵՎՐՈ-2024-ի Իսպանիայի հավաքականի առաջատարներ Լամին Յամալն ու Ռոդրին կարող են խստորեն պատժվել հաղթական մրցաշարի ավարտից հետո։
17-ամյա վինգերն ու հենակետային կիսապաշտպանը Գերմանիայում ԵՎՐՈ-ի եզրափակիչից հետո քաղաքական բնույթի երգ են կատարել։ Լամինն ու Ռոդրին վանկարկել են «Ջիբրալթարն իսպանական է»:
Այս ամենին արձագանքել է Ջիբրալթարի ֆուտբոլի ֆեդերացիան և բողոք է ներկայացրել ՈւԵՖԱ-ին։ Երկիրն անընդունելի է համարել իսպանացի ֆուտբոլիստների պահվածքը։ Եթե մեղավորությունն ապացուցվի, խաղացողները կարող են պատժվել: Հաշվի առնելով բողոքը՝ ՈւԵՖԱ-ն կարող է պատժել Յամալին և Ռոդրիին։ Հիշեցնենք, որ ԵՎՐՈ-2024-ի ժամանակ Թուրքիայի հավաքականի պաշտպան Մերիհ Դեմիրալը նույնպես քաղաքական ժեստի համար պատժվեց՝ որակազրկվելով երկու խաղով։
