Գրեհեմ Փոթերը, «Նյուքասլի» գլխավոր մարզիչ Էդի Հաուն, Մաուրիսիո Պոչետինոն և Թոմաս Տուխելը դասվում են այն մասնագետների շարքին, որոնք կարող են փոխարինել Գարեթ Սաութգեյթին Անգլիայի հավաքականի գլխավոր մարզչի պաշտոնում: Այս մասին հայտնում է բրիտանական հանրահայտ The Telegraph առցանց հրատարակությունը։
Աղբյուրի համաձայն՝ Անգլիայի ֆուտբոլային ասոցիացիան կցանկանար, որ Սաութգեյթը չհեռանա ազգային թիմից, սակայն նրա հետագա ճակատագրի վերաբերյալ որոշումը կկայացնի անմիջապես հենց ինքը՝ Սաութգեյթը։
Հիշեցնենք, որ հուլիսի 14-ին կայացել է Եվրոպայի 2024 թվականի առաջնության եզրափակիչ հանդիպումը, որում Անգլիան 1։2 հաշվով պարտվել է Իսպանիայի հավքականին։
