Անգլիայի հավաքականի հարձակվող Հարի Քեյնը մեկնաբանել է ազգային հավաքականի ելույթը Եվրո-2024-ում:
Հիշեցնենք, որ անգլիացիները դուրս էին եկել մայրցամաքային առաջնության եզրափակիչ, որտեղ հուլիսի 14-ին կհանդիպեն Իսպանիայի հավաքականի հետ։
«Մնացել է ևս մեկ հանդիպում: Ինչ անհավանական խաղ, ինչպիսի անհավանական ձեռքբերում. մենք նորից եզրափակչում ենք: Անգլիայի ներկայիս հավաքականի համար սա առաջին եզրափակիչն է մեր երկրից դուրս։
Կիսաեզրափակիչն առանձնահատուկ էր, յուրահատուկ գիշեր էր: Ես աներևակայելի հպարտ եմ բոլոր նրանցով, ովքեր մասնակցել են դրան … Անգլիայի ամբողջ թիմը՝ խաղացողներից մինչև մարզչական շտաբ: Եզրափակիչ տանող ճանապարհը սարսափելի դժվար էր, բայց դեռ մեկ հանդիպում կա անցկացնելու:
Շնորհակալություն բոլորին աջակցության համար, դա մեծ նշանակություն ունի մեր թիմի համար։ Մնացել է ևս մեկ խաղ, եկեք դա անենք միասին», — Քեյնի խոսքերն է մեջբերում The Sun-ը:
