«Բարսելոնայի» դարպասապահ Մարկ-Անդրե տեր Շտեգենը համաձայնել է վիրահատվել, որը կլուծի խաղացողի մեջքի սուր ցավի հետ կապված խնդիրները, որոնց պատճառով նա բաց է թողել կատալոնական ակումբի վերջին հանդիպումները։ Այս մասին հաղորդում է Sport.es-ը։
Աղբյուրի համաձայն՝ վիրահատությունից հետո ապաքինումը կարող է տևել մի քանի շաբաթ, և այս պահին չի կարելի վստահորեն ասել, որ գերմանացի դարպասապահը հասանելի կլինի «Բարսելոնայի» փետրվարյան խաղերին Չեմպիոնների լիգայի փլեյ-օֆֆում։
Ընդգծվում է, որ ի սկզբանե տեր Շտեգենը կասկածում էր, որ վիրահատությունն իր խնդիրը լուծելու լավագույն տարբերակն է։ Սակայն մասնագետների հետ խորհրդակցելուց հետո դարպասապահը համաձայնել է դրան։
