ՖԻՖԱ-ն պետք է Մադրիդի «Ռեալին» վճարի ավելի քան 1 միլիոն եվրո փոխհատուցում նրա համար, որ «Լոս Բլանկոսի» ֆուտբոլիստ Էդուարդո Կամավինգան վնասվածք է ստացել Ֆրանսիայի հավաքականի ճամբարում։ Այս մասին X սոցիալական ցանցում (նախկինում՝ Twitter) հայտնում է լրագրող Խոսե Ֆելիքս Դիասը։
Հաղորդվում է, որ ՖԻՖԱ-ն այս գումարը կվճարի ակումբների պաշտպանության սեփական ծրագրին համապատասխան, որի համաձայն նրանք իրավունք ունեն վճարումներ ստանալ, եթե իրենց խաղացողները վնասվածք են ստացել միջազգային խաղերի ժամանակ, որոնք անցկացվել են միջազգային խաղերի օրացույցով սահմանված ժամկետներում մինչև հուլիսի 31-ը ընկած ժամանակահատվածում:
Ծրագիրը նախատեսում է 20,548 եվրո վճարումներ խաղացողի բացակայելու յուրաքանչյուր օրվա համար: Նախկինում լրատվամիջոցներում տեղեկություն էր հայտնվել, որ Կամավինգան կարող է բաց թողնել վեցից ութ շաբաթ։
