«Նապոլիի» նախագահ Աուրելիո դե Լաուրենտիսը հաստատել է գլխավոր մարզիչ Լուչիանո Սպալետիի հեռանալու մասին լուրերը։
«Այո, Սպալետին ինձ ասաց, որ կնախընտրի արձակուրդ գնալ: Ինչպե՞ս կարող եմ մերժել: Նա մեզ շատ բան տվեց, և ես շնորհակալ եմ նրան։ Նա եկավ ինձ մոտ և ասաց, որ ամեն ինչ տվել է, շրջանակը փակ է»,- դե Լաուրենտիսի խոսքերն է մեջբերում լրագրող Ֆաբրիցիո Ռոմանոն։
Ավելի վաղ հաղորդվում էր, որ Սպալետին որոշել է հեռանալ թիմից Դե Լաուրենտիսի հետ կոնֆլիկտից հետո։
Այս մրցաշրջանում «Նապոլին» 1990 թվականից ի վեր առաջին անգամ դարձավ Իտալիայի չեմպիոն։ Սկուդետտոն թիմի համար երրորդն էր պատմության մեջ:
Սպալետին թիմը գլխավորում է 2021 թվականի ամռանից։ Նախկինում իտալացին մարզել է «Ինտերը», «Ռոման» (երկու անգամ), «Զենիթը», «Ուդինեզեն», «Սամպդորիան» և «Էմպոլին»։
