Միլանի «Ինտերի» դիտակետում են հայտնվել կատալոնական «Բարսելոնայի» երկու խաղացողներ։
Խոսքը պաշտպաններ Անդրեաս Քրիստենսենի և Մարկոս Ալոնսոյի մասին է, ովքեր հաջորդ ամառ կարող են լքել «Բարսելոնան»՝ ակումբի աշխատավարձերի բյուջեի ծանրաբեռնվածության պատճառով։
Լրագրող Ջանլուկա դի Մարցիոյի խոսքերով, միլանյան ակումբին միշտ դուր են եկել այս խաղացողները, սակայն մինչ օրս «Բարսելոնայի» հետ կոնկրետ բանակցություններ չեն եղել: Հիշեցնենք, որ Քրիստենսենն ու Ալոնսոն միացել են «Բարսելոնային» անցած ամառ՝ որպես ազատ գործակալներ տեղափոխվելով Լոնդոնի «Չելսիից»:
Ալոնսոն և Քրիստենսենը ցանկանում են մնալ «Բարսելոնայում», սակայն ակումբը կարող է ստիպված լինել վաճառել նրանց տրանսֆերը՝ ֆինանսական ֆեյր-փլեյի պատճառով:
