Իտալիայի հավաքականի գլխավոր մարզիչ Ռոբերտո Մանչինին կիսվել է Անգլիայի հետ Եվրոպայի 2024 թվականի առաջնության որակավորման 1-ին տուրի հանդիպումից ունեցած սպասելիքներով: Հանդիպումը կկայանա այսօր՝ մարտի 24-ին և կմեկնարկի Երևանի ժամանակով 23:45-ին։
«Մենք լավ ենք պատրաստվում խաղին և վստահ ենք, որ Նեապոլը կաջակցի մեզ։ Վաղը ցանկանում ենք լավ մեկնարկել այս որակավորման փուլը։ Ազգային հավաքականը ներկայացնելն ամենագեղեցիկ բանն է, որ կարող է լինել։
Մենք ցանկություն ունենք վերադառնալ այն մակարդակին, երբ հաղթեցինք Եվրոպայի առաջնությունում, բայց ամեն ինչ կախված կլինի մեզանից և մեր ցանկությունից։ Վաղը խաղադաշտում կլինեն հիմնականում այնպիսի խաղացողներ, որոնք հանդես կգան հենց Եվրոյում։ Աստիճանաբար նոր խաղացողներ կներկայացնենք, ինչպես դա արեցինք Ազգերի լիգայի հանդիպումներում։
Մենք երկար ճանապարհ անցանք ուրախությունից, երբ հաղթեցինք Եվրոպայի առաջնությունն է, մինչև մեծ հիասթափության, երբ չմասնակցեցինք աշխարհի առաջնությանը։ Այդուհանդերձ, մեզ հաջողվեց հայտնվեցնք Ազգերի լիգայի եզրափակիչ քառյակում։ Վաղը մենք դաշտ դուրս կգանք Եվրոպայի հաջորդ առաջնության ուղեգիր նվաճելու մեծ ցանկությամբ»,- Մանչինիի խոսքերն է մեջբերում Pazzi Di Fanta-ն։