«Ռոմայի» գլխավոր մարզիչ Ժոզե Մոուրինյուն հաջորդ ամառ կգլխավորի Մադրիդի «Ռեալը»։ Այս մասին հայտնել է իսպանացի լրագրող Օյեր Ֆանո Դադեբատը։
«Ռեալի» հաջորդ մարզիչը կլինի Ժոզե Մոուրինյուն, և դուք այդ մասին նախ կկարդաք այստեղ: Ուրախացեք և տոնեք, երբ դա հայտարարվի հուլիսին»,- գրել է լրագրողը։
Մոուրինյուն Մադրիդի «Ռեալը» գլխավորել է 2010-2013 թվականներին։ 2011/2012 մրցաշրջանում մասնագետը «սերուցքայինների» հետ հաղթանակ տարավ Իսպանիայի առաջնությունում։ 2021 թվականին Ժոզեն գլխավորեց «Ռոման», որի հետ նա հաղթեց Կոնֆերենցիաների Լիգան։
Մադրիդի «Ռեալի» ներկայիս մարզիչը Կարլո Անչելոտին է, ով նախորդ մրցաշրջանում «Ռեալի» հետ հաղթել է Չեմպիոնների լիգան։ Ակումբն այժմ Իսպանիայի առաջնությունում երկրորդ տեղում է՝ «Բարսելոնայից» հետ մնալով 12 միավորով:
