Միլանի «Ինտերի» հարձակվող Ռոմելու Լուկակուն այս մրցաշրջանի ավարտից հետո կհեռանա իտալական ակումբից։
Ներաձուրիները չեն պատրաստվում գնել բելգիացու ամբողջական տրանսֆերը Լոնդոնի «Չելսիից»։ Ընդ որում, «արիստոկրատները» նույնպես հույսեր չեն կապում խաղացողի հետ։
Ինչպես հաղորդում է Todofichajes-ը, այս իրավիճակից ցանկանում է օգտվել «Աստոն Վիլան»: «Առյուծները» կփորձեն ձեռք բերել 29-ամյա հարձակվողին ամառային տրանսֆերային պատուհանի ժամանակ:
Ա Սերիայի ընթացիկ մրցաշրջանում Ռոմելուն անցկացրել է 14 հանդիպում, որոնցում դարձել է երեք գոլի (երկուսը 11 մետրանոցներից) և մեկ գոլային փոխանցման հեղինակ։