«Բավարիայի» մարզական տնօրեն Հասան Սալիհամիջիչը բացատրել է, թե ինչու է մյունխենյան ակումբը հրաժարվել Կրիշտիանու Ռոնալդուի հետ պայմանագիր կնքելու հնարավորությունից։
«Մենք խոսեցինք Ռոնալդուի մասին։ Բայց ես հստակ ասացի նրա գործակալ Ժորժե Մենդեշին. «Մեզ համար սա անհնարին խնդիր է»։
Դա «Բավարիային» համապատասխան չէր ո՛չ ֆինանսական, ո՛չ էլ մարզական առումով: Դա չէր համապատասխանում մեր փիլիսոփայությանը»,- Bild-ին ասել է Հասան Սալիհամիջիչը՝ չհստակեցնելով՝ դա ամառայի՞ն, թե՞ ձմեռային տրանսֆերային պատուհանի մասին է։
Պորտուգալացի հարձակվողը «Ալ Նասրին» է միացել դեկտեմբերին՝ «Մանչեսթեր Յունայթեդի» հետ պայմանագիրը խզումից հետո:
