«Ռոմայի» գլխավոր մարզիչ Ժոզե Մոուրինյուն մեկնաբանել է իր թիմի դուրս մնալն Իտալիայի գավաթից։ Իտալիայի գավաթի խաղարկության քառորդ եզրափակիչում «Ռոման» սեփական հարկի տակ 1-2 հաշվով պարտվեց «Կրեմոնեզեին»:
«Շնորհավորում եմ «Կրեմոնեզեին»: Նրանք հաղթեցին մեզ, «Նապոլիին»։ Սրանք մեծ հաղթանակներ են։ Եվ սա շատ տարօրինակ մրցաշար է։
Առաջին խաղակեսը սարսափելի էր, մենք վճարեցինք դրա համար։ Ցածր մակարդակ ցույց տվեցինք այս խաղում։
Մենք վաղուց սովորել ենք անհաջողություններից հետո լաց չլինել և ոգևորությամբ նայել ապագային։ Մենք պայքարեցինք»,- մեջբերում է պորտուգալացի մասնագետին ինսայդեր Ջանլուկա դի Մարցիոն:
