«Նյուքասլը» շարունակում է հետաքրքրվել «Լեսթերի» կիսապաշտպան Ջեյմս Մեդիսոնի ծառայություններով, հայտնում է Football Insider-ը:
«Կաչաղակներն» ամռանը փորձեցին ձեռք բերել 25-ամյա անգլիացուն, սակայն «աղվեսները» հրաժարվեցին վաճառել իրենց առաջատարներից մեկին։
Մեդիսոնի պայմանագիրը «Լեսթերի» հետ նախատեսված է մինչև 2024 թվականի ամառը։ Transfermarkt-ը անգլիացի խաղացողի տրանսֆերային արժեքը գնահատում է 50 միլիոն եվրո։
Ընթացիկ մրցաշրջանում Մեդիսոնը Պրեմիեր լիգայում անցկացրել է 6 հանդիպում՝ դառնալով 3 գոլի և 1 գոլային փոխանցման հեղինակ։
