MLS-ի կանոնավոր առաջնության 21-րդ տուրի շրջանակում «Կոլամբուսը» 2-0 հաշվով հաղթեց «Ցինցինատիին»։
Տանտերերի կազմում մեկնարկային րոպեներից հանդիպմանը մասնակցեց Հայաստանի հավաքականի ֆուտբոլիստ Լուկաս Սելարայանը։ Հայ ֆուտբոլիստն այս խաղում դարձավ գոլի և գոլային փոխանցման հեղինակ։
«Կոլամբուսի» նորեկ Չուչո Էրնանդեսը բացել է խաղի հաշիվը 16-րդ րոպեին։ Նշենք, որ նախորդ երկու խաղերում նա դուրս էր եկել փոխարինման և դարձել էր 3 գոլի հեղինակ։ Այսպիսով, նա դարձավ MLS-ի պատմության մեջ առաջին ֆուտբոլիստը, ով 4 գոլի հեղինակ է դարձել հանրագումարով դեռ 90 րոպե չանցկացնելով խաղադաշտում։ Հետաքրքիրն այն է, որ այդ 4 գոլերից երեքը Չուչոն խփել է հենց Սելարայանի գոլային փոխանցումներից։
Այս խաղից հետո «Կոլամբուսը» 29 միավորով զբաղեցնում է Արևելյան Կոնֆերենցիայի մրցաշարային աղյուսակի 6-րդ հորիզոնականը։
Հաջորդ տուրում «Կոլամբուսը» սեփական հարկի տակ կընդունի «Նյու Ինգլանդին»։ Հանդիպումը կկայանա հուլիսի 24-ին։
Adjarabet բուքմեյքերական ընկերությունը «Կոլամբուսի» հաղթանակը գնահատում է 2,10 գործակցով, ոչ-ոքին՝ 3,55, իսկ «Նյու Ինգլանդի» հաղթանակը՝ 3,35։
