Շակիրան և Ժերար Պիկեն պատրաստ են պայքարել իրենց երեխաների խնամակալության համար, գրում է Marca-ն։
Կոլումբիացի երգչուհին «Բարսելոնայի» պաշտպանից բաժանվելուց հետո մտադիր է իրենց երկու որդիներին Մայամի տեղափոխել, իսկ ֆուտբոլիստը մտադիր է կանխել դա։
Պիկեն և Շակիրան վերջերս հանդիպել և քննարկել են իրավիճակը, սակայն խաղացողի մերժումը երեխաների՝ մոր հետ մեկնել ԱՄՆ, առաջացրել է լատինաամերիկացի երգչուհու զայրույթը։ Նա սպառնացել է բացահայտել Պիկեի որոշ գաղտնիքներ, ընդգծել նրա հակասական գործունեությունը և անձնական կյանքի մանրամասները, որոնք դեռևս անհայտ են մնացել:
«Նա հասկացավ, որ չի ճանաչում այն տղամարդուն, ում հետ ապրում էր։ Նա չի պատրաստվում կանգ առնել»,- Informalia-ին ասել է աղբյուրը: Շակիրայի՝ «Բարսելոնայից» հեռանալու պատճառներից մեկն այն է, որ երգչուհին չի կարող ապրել Պիկեի ընտանիքի մոտ։ Երգչուհին սկսել է գործել.
«Շակիրան պատրաստ է ամեն ինչի. նրան անծանոթ չէր Պիկեի սիրախաղը, բայց երբեք չէր մտածում, որ նա դավաճանում է իրեն: Երգչուհին մասնագետներ է վարձել, ովքեր տեղեկատվություն են փնտրում և մանրամասն հաշվետվություն են կազմում Պիկի և նրա վարքի մասին: Կան մի քանի անակնկալներ, որոնք ոչ մեկին անտարբեր չեն թողնի այս գործի նկատմամբ։ Նրանք գիտեն այնպիսի բաներ, որոնք Պիկեին շատ կցավեցնեն, և ոչ միայն ընտանեկան հարցերի հետ կապված»,- ասել է աղբյուրը։
Շակիրային ճանաչողները հիմա պնդում են, որ Պիկեն իրեն «անցանկալի թշնամի է ձեռք բերել»։ Իսկ ինքը՝ ֆուտբոլիստը, տեղյակ է, թե դա ինչ վնաս կարող է հասցնել իր հեղինակությանը։
