📸 Հնդկաստանում տեղադրել են Ռոնալդուի արձանը

Հնդկաստանում՝ Գոա նահանգի Կալանգուտե քաղաքում, Կրիշտիանու Ռոնալդուի պատվին արձան են կանգնեցրել։

Ըստ Times of India-ի՝ արձանի արժեքը կազմում է մոտ 15 հազար եվրո, իսկ քաշը՝ ավելի քան 400 կգ։

Գոայի նախարար Մայքլ Լոբոն արձանի երկու լուսանկար է տեղադրել Twitter-ի իր միկրոբլոգում և գրել. «Ֆուտբոլի հանդեպ սիրո և մեր երիտասարդների խնդրանքով մենք զբոսայգում տեղադրեցինք Կրիշտիանու Ռոնալդուի արձանը, որպեսզի ոգեշնչենք մեր երիտասարդներին ֆուտբոլը նոր բարձունքների հասցնելու համար։

Սակայն շատերը դժգոհ էին Ռոնալդուի արձանի տեղադրումից. ըստ քննադատների՝ իշխանությունները պետք է անմահացնեին հնդիկ մարզիկի։

Նշենք, որ Գոան պորտուգալական գաղութ էր, բայց 60 տարի առաջ միացվել է Հնդկաստանին։

For the love of football and at the request of our youth we put up Cristiano Ronaldo’s statue in the park to inspire our youngsters to take football to greater heights. It was an honour to inaugurate the beautification of open space, landscaping, garden with foundation & walkway. pic.twitter.com/VU5uvlSlMT

— Michael Lobo (@MichaelLobo76) December 28, 2021