Ընկերներ․ Դի Մարիայի լուսանկարը Մեսսիի և ՊՍԺ-ի ֆուտբոլիստների հետ

ՊՍԺ-ի կիսապաշտպան Անխել Դի Մարիան Instagram-ի իր էջում լուսանկար է հրապարակել թիմակիցներ Լեանդրո Պարեդեսի, Նեյմարի, Մարկո Վերատիի և «Բարսելոնայի» հարձակվող Լիոնել Մեսսիի հետ։

«Ընկերներ»,- գրել է արգենտինացին։

 

View this post on Instagram

 

A post shared by Ángel Di María (@angeldimariajm)

Ավելի վաղ հաղորդվում էր, որ Մեսսին օգոստոսի սկզբին նոր պայմանագիր կկնքի կատալոնական ակումբի հետ, իսկ մինչ այդ պահը չի մարզվի թիմի հետ։ Պայմանագիր կնքելուց հետո Մեսսին բուժզննում կանցնի, ինչից հետո կսկսի մարզվել հարձակվող Սերխիո Ագուերոյի և պաշտպան Էմերսոնի հետ, ովքեր, ինչպես և Մեսսին, չեն մեկնել Գերմանիա։ Հաղորդվում էր, որ Մեսսիի ծառայություններով հետաքրքրված է ՊՍԺ-ը։

Մեսսիի պայմանագիրը «Բարսելոնայի» հետ ավարտվել է հունիսի վերջին։ Արգենտինացին իր ամբողջ կարիերայի ընթացքում պաշտպանել է կատալոնական ակումբի գույները։