«Ռեալի» նախագահ, Եվրոպայի Սուպերլիգայի ղեկավար Ֆլորենտինո Պերեսը խոսել է ֆուտբոլում ստեղծված իրավիճակի մասին․
-Մի՞թե տնտեսական առումով գործերն այդքան վատ են։ Դուք խոսում եք իրավիճակի լրջության և այն մասին, որ ֆուտբոլը մահանում է։
-Եկեք նայենք տվյալներին։ Աուդիտորական KPMG ընկերության՝ վերջերս ներկայացրած զեկույցը ցույց է տալիս, որ նախորդ մրցաշրջանում՝ պանդեմիայի միայն առաջին երեք ամիսներին, Սուպերլիգայի 12 ակումբներ հայտարարել են մոտ 650 մլն եվրո կորուստների մասին։
Այս մրցաշրջանի վերջին, երբ պանդեմիան դեռևս շարունակվում է, կորուստները կազմում են 2-ից 2,5 մլրդ եվրո։ «Բորդոն» վերջերս անցավ արտաքին կառավարման։ Կա՛մ մենք մոտ ժամանակներս ինչ-որ բան կանենք, կամ շատ այլ ակումբներ ևս կքանդվեն։
-Ձեր նախագիծը պարզ լուծում է առաջարկում, որը կբարձրացնի եկամուտը, խաղերն ավելի մրցունակ և գրավիչ կդարձնի։ Ինչպե՞ս դա անել, որպեսզի ոչ մեծ ակումբները չվշտանան։
-Իրականությունն այսպիսին է՝ ավելի հետաքրքիր, դիտարժան ու մրցունակ ֆուտբոլային հանդիպումները մեծ գումարներ են բերում։ Եվ դա կլինի բոլորի համար, ոչ թե մի քանիսի, քանի որ ազգային լիգաների արժեքը կբարձրանա։ Դրան գումարած այն, որ մեզ մոտ համերաշխության բարձր գումարներ կլինեն, ինչը մեր նախագծի կարևորագույն մասնիկն է կազմում։
