Լիխտենշտայնի նկատմամբ տոնած հաղթանակից հետո խաղի մասի իր կարծիք է հայտնել «Ուրարտուի» հարձակվող Արթուր Միրանյանը, որն այդ խաղում փոխարինման մտավ երկրորդ խաղակեսում․
«Դժվար խաղ էր, բայց կարևորն այն է, որ կարողացանք երեք միավոր վաստակել։ Լիխտենշտայնը ողջ խաղի ընթացքում ամբողջ կազմով պաշտպանվում էր, իսկ մեզ մոտ չէր ստացվում պահերի իրացումը։ Կարող էինք ավելի խոշոր հաշվով հաղթել։
Որքան մոտենում էր հանդիպման ավարտը, այնքան ավելի դժվարանում էր մեր գործը, բայց լավ է, որ ներդրած ջանքերն արդյունք տվեցին ու մենք կարողացանք հաղթանակի հասնել»,- մեջբերում է ֆուտբոլիստին երևանյան ակումբի մամուլի ծառայությունը։